بە دووری 30كم دەكەوێتە باشووری رۆژهەڵاتی شارۆچكەی كەلار لە دەڤەری گەرمیان، نزیكە لە سنووری وڵاتی ئیران، شارۆچكەیەكی گرنگی كوردستانە، لە رووی ئیداریەوە سەر بە پاریزگای دیالەیە. شارۆچكەیەكی ستراتیژی گرنگە لە رووی هاتووچۆی نێوان ئێران و عێراق و كوردستان، دەوڵەمەندە بە كشتوكاڵ و نەوت، لە رووی پێكهاتەی كۆمەڵایەتیەوە لە چەند نەتەوە و ئایینێك وەك برا بەیەكەوە دەژین. رووباری ئەلوەند بەناو شارۆچكەكە رەتدەبێت، كە بۆتە هۆی جوانكردن و بەگەشتیاری كردنی ناوچەكە. ژمارەیەك شوێنەوار و شوێنی ئاینی لەسنوورەكەدا هەیە كە لەرووی گەشتیاری بایەخی تایبەتیان هەیە.
