قەڵاكە دەكەوێتە گوندی روست بە دووری 137كم لە باكووری شاری هەولێر و دەكەوێتە بەشی رۆژئاوای چیای هەڵگۆرد، قەڵای گوندی روست بە بەرچاوترین و گرنگترین شوێنەواری دەڤەرەكە دادەنرێ. لە بەشی ژێرەوەی قەڵاكە شوێنەواری كۆگایەكی خەزنكردنی ئاو بەناوی سارداو ( سارنج) بە ئەندازەی(18م×3م×2,5م) هەیە. قەڵاكە لەسەر رووبەری (29,20م بە45,50م ) دروستكراوە، زیاتر لە (10) ژووری هەبووە، لە هەندێك بەش دوو نهۆم بووە. چەند بەشێك لە دیواری بناغەی قەڵاكە بە بەرزی 5م كە كەوتۆتە سەر لوتكەی شاخەكە پاشماوەی ماوە.
