لە بەشی باكووری شارەكە، بە بەرزای 450م لە ئاستی شارەكە دەكەوێتە سەر شاخێكی بەرز. قەڵاكە لە شێوەی چوارگۆشە دروستكراوە و درێژی هەر لایەكی 110م دەبێت. ساڵی 580پ-ز لە سەر دەستی (میر زەند) دروستكراوە. قەڵاكە لە چەند بەشێك پێكهاتووە: لای سەرەوەی بۆ ماڵی میر بووە، تابقی خوارەوە بۆ ئازووقە بووە، شوێنی كۆبوونەوە بە دەوری بەردێكی پانی گەورە دروستكراوە، 11بیری كۆكردنەوەی ئاوی لێیە، ژوورێكی لێیە و دەكەوێتە بەشی خوارەوە كە دەرگاكەی لە شێوەی سەری باز دروستكراوە و پێی دەڵێن زیندان. ژوورەكان گەورەو فراوانن و شێوەی ئەندازەیان هەیە.
