پەرستگای لالش، پەرسگای ئاینی كوردە ئێزیدیەكانە، لە ناو سروشتی دۆڵێكی نیمچە سەخت و رازاوە بە دارودره‌خت و كانیاو هەڵكەوتوە، بە دووری 12كم دەكەوێتە باكوری رۆژئاوای ناوەندی قەزای شێخان( عین سفنی) لە پارێزگای دهۆك، پیرۆزترین پەرستگای كوردە ئیزیدیەكانە كەساڵانە لە جەژنی جەما ئیزیدیەكانی دەرەوەی هەرێمیش دێن سەردانی دەكەن و بەشداری جەژنەكەیان دەكەن، ساڵانە بۆ دیداری شوێنەكە سەدان گەشتیار و شەیدایانی ئاینی ئیزیدی گەشتی بۆ دەكەن. زۆرێك لەگەشتیارانی بیانیش بۆ بینین و شارەزابوون لە داب و نەریتی ئیزیدیەكان گەشت بۆ لالش دەكەن، لالش یەكێكە لە پەرستگا ئاینییەكانی جیهان.
