دەكەوێتە نزیك سەنتەری شار بەرامبەر سەرۆكایەتی شارەوانی هەولێر ، مۆزەخانەی هەولێر بۆ پیشاندانی پارچە شوێنەواریەكان لە سێ هۆڵ پێك هاتووە كە لە هەر هۆڵێك چەندین سەردەمی جیاوازی لە خۆگرتووە ، هەروەها جێگای ئاماژە پێ كردنە كە هۆڵەكان بە پێ كۆنترین سەردەمی شوێنەواری تا نوێترین سەردەمی شوێنەواری رێك خراون، مێژووی هەندێك لەم ئاسەوارانە بۆ زیاتر لە (5000) هەزار ساڵ پێش زایین دەگەڕێتەوە كە شارستانیەتی كۆنی كوردستان و عێڕاق دەردەخات . هەر لەم مۆزەخانەیە كتێبخانەیەك هەیە كە بە یەكێك لە كتێبخانە مێژووییەكان دادەنرێت، ئەمەش بەهۆی بوونی چەندین سەرچاوەی مێژووی گرنگ .
