گربیش ناوی گوندێكە لە دامێنی چیای پیرس، 23كم لە ئاكرێ دوورە و بە دووری 2كم دەكەوێتە رۆژئاوای شارۆچكەی دینارتێ. بە هۆی زۆری سەرچاوەی كانی و ئاو، گوندی گربیش بە دارو درخت و سەوزای داپۆشراوە. لە بەشی سەرەوەی گوندەكە. لە ژێر دارگوێزەكان زیاتر لە 6 كانی هەڵدەقولێن. سێبەری دارگوێزەكان بۆ ئەوپانتاییە فراوانە و سازگاری كانی و جۆگە ئاوەكان كەشوهەوایەكی لەباروگونجاویان بۆ سەیران و بۆ گەشتوگوزار رەخساندووە.
