شارۆچكەی شەقڵاوە بە دووری ( 50 ) كم دەكەوێتە باكووری رۆژهەڵاتی شاری هەولێر، لە نێوان چیای سەفین و چیا سۆرك هەڵكەوتووە، بە هۆی سروشتی جوانی بە بووكی كوردستان ناسراوە، هاوینەهەوارێكی سەرنجراكێش و ئاو و هەوا سازگارە، دیمەنی شەقڵاوە بە دارودرەختی زۆر داپۆشراوە و كانی و ئاوی زۆرە، دەیان میوانخانە و چێشتخانە و گوندی گەشتیاری و گازینۆ و شوێنی گەشتیاری لێیە، چەندان كەلوپەل و خواردنی دەستكردی كوردەواری لە بازاری شەقڵاوە هەیە، باخەكانی شەقڵاوە چەندان جۆر میوەی هەیە، بۆیە گەشتیاران لە سەرانسەری عێراق و وڵاتانی دەرەوە رووی تێدەكەن.
