پارێزگای هەولێر
![](http://bot.gov.krd/sites/default/files/styles/region_main_image/public/taxonomy-img/NIKON%20D905429%20copy.jpg?itok=eNBREPcP)
مێژووەكەی دەگەڕێتەوە بۆ هەزارەی شەشەمی پ.ز وەك لە نووسراوە سۆمەری و بابلیەكاندا بە ( اروبیلم – اربێلا – اروبل – اربائیلۆ ) ناوی براوە كە لەو سەردەمە مەڵبەندی پەرستنی خواوەندی عهشتار بووە، لە تشرینی یەكەمی ساڵی ( 331 ) پ.ز شەڕێكی تووند لە نێوان سوپای داریۆشی فارسی و ئەسكەندەری مەقدۆنی روودەدات لە ( گەلی كرانیك ) كە ( 30 ) كم لە هەولێر دوورە لە نزیك گوندی ( گۆكمێلا ) لە دەستە راستی زێی گەورە و لە بەر شارەزا نەبوونی داریۆش بە تەواوی لە ناوچەكە جەنگاوەرەكانی خۆی لە كەناری زێیەكە كۆ دەكاتەوە بە پێچەوانەوە ئەسكەندەری مەقدۆنی هێرش دەكاتە سەر داریۆش و بەسەر سوپایەكەی زاڵ دەبێت بەمەش ئیمپراتۆریەتی فارس كۆتایی پێدێت، مێژوونووسە یۆنانیە كۆنەكان ناوی هەولێر لە ناو كتێبەكاندا وەكو خۆی تۆمار دەكەن ئەمەش وای كرد سەرنجی هەموو دونیا بۆ كوردستان رابكێشێت و ناوی هەولێر لە ئەنجامی جەنگی ئەربێلا بكەوێتە ناو تابلۆ و بەڵگەنامە و هونەرە مێژووییەكانی ئەوروپاوە،بناغەیەكی پتەوی بۆ ناساندنی رۆژهەڵات و كوردستان دامەزراند .